مرحوم استاد شهريار دان سچيلميش شعرلر

مرحوم استاد شهريار دان سچيلميش شعرلر











 


تورکون ديلي تک سئوگي‌لي ايستک‌لي ديل اولماز


اوزگه ديلئ قاتسان, بو اصيل ديل اصيل اولماز.


 


اوز شئعريني فارسا, عربه قاتماسا شاعر,


شئعري ائشيدن‌لر, اوخويان‌لار کسيل اولماز.


 


پشميش کيمي شئعرين ده گرک دادي-دوزو اولسون,


کند احلي بيلر‌لر کي, دوشابسيز خشيل اولماز.


 


سؤز‌لر ده جواهير کيمي‌دير, اصلي بدل‌دن,


تشخيس وئرن اولسا بو قد"ر ذير-ذيبيل اولماز.


 


شاعر اولا بيلمزس"ن, آنان دوغماسا شاعر,


ميس‌سن آ بالام, هر ساري کؤينک قيزيل اولماز.


 


اوتمز, اوخوماز بولبولو سالسان قفس ايچره,


داغ-داشدا دوغولموش دلي جئيران هميل اولماز.


 


اينسان اودور, دوتسون بو ذليل خالقين الين‌دن,


اللهي سئور‌سن, بئله اينسان ذليل اولماز.


 


هر چند سرابين سودو جوخ, ياغ-بالي چوخدور,


باش عرصه ده چات‌ديرسا سراب اردبيل اولماز.


 


ميللت قمي اولسا بو چوجوک‌لار چؤپه دؤنمز,


ارباب‌لاريميز‌دان دا قارين‌لار تبيل اولماز.


 


من‌دن ده نه ظاليم اوغلوم, نه قيساسچي,


بير دفعه بونو قان کي, ايپک‌دن قزيل اولماز.


 


دوز واختدا دولار تاختا-تاباق ائدوييه ايله,


اوندا کي, ننم سانجيلانار, ذنجفيل اولماز.


 


فارس شاعري جوخ سؤز‌لري بيز‌دن آپارميش,


صابير کيمي بير سوفره‌لي شاعر پاخيل اولماز.


 


تورکون مثلي, فولکلورو دونيادا تک‌دير,


خان يورغاني, کند ايچره مثل‌دير, ميتيل اولماز.


 


آذر قوشونو قئيسري-رومو اسير ائتميش,


کسرا سؤزودور, بير بئله تاريخ ناغيل اولماز.


 


بو شهريارين تبعي کيمي چيممه‌لي چئشمه,


کؤوسر اولا بيلسه دئميرم, سلسبيل اولماز.


 


 



 


 


  





الله بوياغي
آرا گونو 20 دوندوران آي 1388

 


الله بوياغي
ايسلام اوياتدي خالق باشين قاوزايان قاچير
شيطان باجارمادي کي , ياتانلار اويانماسين
هر رنگي آت , فقط بويان الله بوياغينا 
هر آلدادان بوياقلارا قلبين بويانماسين
خالقين گؤزون اوياردي شاهين مير غضبلري
قوي بير اويولسون اوز گؤزو تا گؤز اويانماسين
تبليغ او پايده گرک اولسون کي موددي
بير نقطه سينده ضعفينه بارماق قويانماسين
الفازي مؤحکم ائتملي معناني چوخ لطيف
سؤزلر گرک سوغانديسا , هر کس سويانماسين
اما زحمت ايله هوشلانان اولسا , اويانماسين
آغزيندا دادلي سؤزلريوي سن ده (شهريار)
ائيله پيشير کي , خالق داديندان دويانماسين
 


 





  • يازار: نژادمحمد  | 

  • قونولار:استاد شهريار،  | 

  • يوروم:نظر (1) | 

  • يولاماق 100 درجه کلوب يولاماق





بهجت آباد خاطره سي
اود گونو 22 خزل آي 1388

 


بهجت آباد خاطره سي


 


اولدوز ساياراق گوزله ميشم هر گئجه ياري


 


گج گلمه ده دير يار يئنه اولموش گئجه ياري


 


 


 


گؤزلر آسيلي يوخ نه قارالتي نه ده بير سس


 


باتميش گولاغيم گؤرنه دؤشور مکده دي داري


 


 


 


بير قوش آييغام! سويليه رک گاهدان اييلده ر


 


گاهدان اونودا يئل دئيه لاي-لاي هوش آپاري


 


 


 


ياتميش هامي بير آللاه اوياقدير داها بير من


 


مندن آشاغي کيمسه يوخ اوندان دا يوخاري


 


 


 


قورخوم بودي يار گلمه يه بيردن ياريلا صبح


 


باغريم ياريلار صبحوم آچيلما سني تاري!


 


 


 


دان اولدوزي ايسته ر چيخا گؤز يالواري چيخما


 


او چيخماسادا اولدوزومون يوخدي چيخاري


 


 


 


گلمز تانيرام بختيمي ايندي آغارار صبح


 


قاش بيله آغارديقجا داها باش دا آغاري


 


 


 


عشقين کي قراريندا وفا اولمياجاقميش


 


بيلمم کي طبيعت نيه قويموش بو قراري؟


 


 


 


سانکي خوروزون سون باني خنجردي سوخولدي


 


سينه مده أورک وارسا کسيب قيردي داماري


 


 


 


ريشخندله قيرجاندي سحر سويله دي: دورما


 


جان قورخوسي وار عشقين اوتوزدون بو قماري


 


 


 


اولدوم قره گون آيريلالي او ساري تئلدن


 


بونجا قره گونلردي ايدن رنگيمي ساري


 


 


 


گؤز ياشلاري هر يئردن آخارسا مني توشلار


 


دريايه باخار بللي دي چايلارين آخاري


 


 


 


از بس مني ياپراق کيمي هيجرانلا سارالديب


 


باخسان اوزونه سانکي قيزيل گولدي قيزاري


 


 


 


محراب شفقده ئوزومي سجده ده گؤردوم


 


قان ايچره غميم يوخ اوزوم اولسون سنه ساري


 


 


 


عشقي واريدي شهريارين گللي- چيچکلي


 


افسوس قارا يل اسدي خزان اولدي بهاري


 


 


 





  • يازار: نژادمحمد  | 

  • قونولار:استاد شهريار،  | 

  • يوروم:نظر (0) | 

  • يولاماق 100 درجه کلوب يولاماق





اذن وئر توي گئجه سي من ده سنه دايه گليم
سو گونو2 خزل آي 1388

 


اذن وئر توي گئجه سي من ده سنه دايه گليم


ال قاتاندا سنه مشاطه تماشايه گليم


سن بو متهاب گئجه سي سئيره چيخان بير سرو اول


اذن وئر من ده دالونجه سورونوب سايه گليم


منه ده باخدين او شهلا گؤزوله ، من قارا گون


جراتيم اولمادي بير کلمه تمنايه گليم


من جهنم ده ده باش ياسديغا قويسام سنيله


هئچ آييلمام کي دوروب جنت ماوايه گليم


ننه قارنيندادا سنله اکيز اولسايديم اگر


ايسته مزديم دوغولوب بيرده بو دونيايه گليم


سن ياتيب جنتي روياده گؤرنده گئجه لر


من ده جنت ده قوش اوللام ، کي او رويايه گليم


قيتليغ ايللر ياغيشي تک قورويوب گؤز ياشيميز


کوي عشقينده گرک بيرده مطلايه گليم


سن ده صحرايه ماراللار کيمي چيخ ، تولي کي


من ده بير صيده چيخانلار کيمي ، صحرايه گليم


آللاهوندان سن اگر قورخمويوب ، اولسان ترسا


قورخورام منده دؤنوب مذهب عيسي يه گليم


شيخ صنعان کيمي دونقوز اوتاريب ايللرجه


سني بير گؤرمک اوچون معبد ترسايه گليم


يوخ صنم ! آنلاماديم ، آنلاماديم ! حاشا من


بوراخيب مذهبيمي ، سنله کليسايه گليم


گل چيخاق طور تجلايه ، سن اول جلوه طور


من ده موسي کيمي ، او طور تجلايه گليم


شيردير « شهريار » ين شعري الينده شمشير


کيم دئيه ر من بئله بير شيرله دعوايه گليم ؟


 


 


 





  • يازار: نژادمحمد  | 

  • قونولار:استاد شهريار،  | 

  • يوروم:نظر (0) | 

  • يولاماق 100 درجه کلوب يولاماق





چوخلار اينجيکدي کي، سن اونلارا نازايله ميسن
سود گونو 8 زومار آي 1388

 


چوخلار اينجيکدي کي، سن اونلارا نازايله ميسن

من ده اينجيک کي، منيم نازيمي آز ايله ميسن

ائتميسن نازي بو ويرانه کونولده سلطان

ائوين آباداولا ، درويشه نياز ايله ميسن

هر باخيشدا چاليبان کيپريگي مضراب کيمي

بير قولاق وئر، بوسينيق قلبي نه ساز ايله ميسن؟

باشدان آچ يايليغي ، افشان ائله سوسن - سنبل

سن بيزيم بايرامميزسان قيشي ياز ايله ميسن

سن گون اول، قوي غم ميز داغدا قار اولسون، اريسين

منيم آنجاق ايشيمي سوز و گداز ايله ميسن

من بو معناده غزل يازمالي حاليم يوخودي

سن جوجوق تک قوجاني فرفره باز، ايله ميسن

کاکلي باشدا بوروب باغلاميسان تاج کيمي

او قيزيل ساچدان اونا ، گوللي قوتاز ايله ميسن

سينه بير دشت مغان دير ، قوزي يان - يانه ياتيب

منيم آغلار گوزومي ، اوردا آراز ايله ميسن

بو گوزلليک کي جهاندا سنه وئرميش تانري

هر قدر ناز ائله سن ايله، کي آز ايله ميسن

مني بو سوز يله آتدين، آرالاندين بيليرم

آراني بير پارا نامرديله ساز ايله ميسن

دستماز ايله ديگين چشمه، مسيحا قاني دير

بيلميرم هانسي کليساده نماز ايله ميسن؟

من < عشيران > اوخوسام، پنجه < عراق > اوسته گزه ر

گوزليم، < ترک > اولالي ، ترک < حجاز > ايله ميسن

تازا شاعر، بو ده نيز هرنه باخيرسان ديبي يوخ

چوخ اوزاتسان بو غازي، اورده گي قاز ايله ميسن

بسکه زلف و خط و خالين قوپالاغين گوتدون

زلفعلي نين باشيني آزقالا داز ايله ميسن

گل ! منيم ايسته ديگيم کعبه ييخيلماز، اوجالار

باشدادا کژ گئده سن ، ديبده تراز ايله ميسن

خط و خاليندن آليب مشقيمي قرآن يازارام

بو حقيقت له مني، اهل مجاز ايله ميسن

مني، دان اولدوزي، سن ياخشي تانيرسان که سحر

افقي خلوت ائديب راز و نياز ايله ميسن


 


 


 





  • يازار: نژادمحمد  | 

  • قونولار:استاد شهريار،  | 

  • يوروم:نظر (1) | 

  • يولاماق 100 درجه کلوب يولاماق



نظرات کاربران
X
در صورت مشاهده مطالب مغایر با قوانین و شعونات اسلامی از بخش ارتباط با ما گزارش دهید تا سریعا حذف گردد